Не може политиката да се меша или да ја смени историјата. Историјата е таа и насекаде е околу нас, вели премиерот Зоран Заев во емисијата „24 анализа“, зборувајќи за остранување на терминот „бугарски“ пред „фашистички окупатор“ во учебниците во историја.
Според него, во 21-век, не треба да се гледа на работите преку именување на нацизмот со етничка боја. Јас сум убеден дека проевропските манири и решенија ќе преовладаат и ќе градиме пријателство без да се чепкаат болните работи за народите од двете страни, рече Заев
„Сепак и бугарската страна треба да внимава со своите потези да не предизвикува негативни чувства кај македонскиот народ. Бугарскиот народ сака да биде пријател со македонскиот народ. Знаат дека тоа е добро и за Бугарија. Јас сум убеден дека проевропските манири и решенија ќе преовладаат и ќе градиме пријателство без да се чепкаат болните работи за народите од двете страни“,рече Заев.
Тој додаде дека учебниците и спомениците доминантно зборуваат за фашистички окупатор и кај нас и во европските држави. Во духот на европските манири и пријателство се избегнува етничката или националната обоеност на фашизмот.
„Не може политиката ниту да се меша, ниту да ја смени историјата. Историјата е таа, насекаде околу нас е запишана. Треба да се потсетуваме на фашизмот и да се надеваме дека никогаш нема да се повтори. Тоа е зло што треба да се спречува, но нечесно е да се оквалификува една цела нација како фашистичка“,кажа премиерот .