259
Ѕвездите на Реал Мадрид се незадоволни од третманот што го имаат во клубот, пренесуваат шпанските медиуми.
„Ел Ларгуеро“ и „Калчомеркато“ пренесуваат дека тројца фудбалери се незадоволни од статусот во тимот и дека се свртеле против тренерот Карло Анчелоти.
Станува збор за Марсело, Иско и Марко Асенсио.
Споменатите тројца Анчелоти не ги гледа во своите планови и тие се незадоволни поради тоа, особено Асенсио.
Шпанецот имаше понуди во текот на летото, но тој не сакаше да го напушти Реал.
Марсело во моментов е трет лев бек на тимот зад Менди и Алаба, одигра само две минути, Асенсио одигра 68, додека Иско воопшто не доби шанса.
Сите тројца ќе се обидат да го напуштат Реал Мадрид во зимскиот преоден рок, пренесуваат Шпанците.