Чадеж: Во Скопје започнува нова ера на соработка во регионот

од Nikola Popovski

Верувам дека влегуваме во една сосема нова ера на економска, политичка и политичка соработка во регионот, особено кога станува збор за Албанија, Северна Македонија и Србија, изјави вчера во интервју за Танјуг претседателот на трговската комора на Србија, Марко Чадеж пред најавеното потпишување на договорот меѓу трите земји и регионалниот економски форум следната недела во Скопје.

„Сега навистина можеме да забележиме конкретни поместувања и придобивки за бизнисмените, што е најважно за нас како стопанска комора, но исто така е важно и за сите граѓани“, рече Чадеж, кој активно работи на забрзување на регионалната економска соработка и како претседател на Управниот одбор на Форумот за инвестиции на Западен Балкан.

Претходно, претседателот на Србија, Александар Вучиќ, најави дека на форумот во Скопје на 29 јули ќе бидат потпишани три договори: за трговија, работни дозволи и заемна поддршка во случај на пожари, поплави и природни непогоди.

Чадеж посочува дека документите планирани за потпишување на самитот на претседателот Вучиќ и премиерите Еди Рама и Зоран Заев се направени во консултација со ПКС и Регионалната трговска комора на Западен Балкан.

„Имплементацијата на документите чие потпишување е најавено значително ќе го забрза движењето на луѓе, стоки, услуги и капитал во регионот. Со взаемно признавање на документацијата при увоз и извоз, сертификатот издаден во Скопје, Тирана или Белград ќе биде валиден во сите три земји, робата побрзо ќе ги минува границите, а трошоците за економијата ќе бидат пониски. Тоа е многу важно“, посочува Чадез.

Слични содржини