Српскиот микробиолог Миланко Шеклер изјави дека во медиумите не се појавиле важни податоци објавени од производителот на вакцини Спутник, што покажува дека нивната вакцина е можеби најотпорна на мутациите на коронавирус.
Запрашан како ја оценува одлуката на Израел да воведе четврта доза од вакцината, д-р Шеклер за „H1“ рече:
„Четвртата доза ја воведе Израел, кој користи само Фајзер. Отсекогаш ја застапував тезата дека комбинацијата на вакцини е секогаш подобра, но тие упорно одат понатаму со Фајзер и стигнаа до четврта доза. Лично мислам дека податоците покажуваат дека Фајзер има загуба на неутрализација околу 40 пати, Модерна 60 во некои студии, но и до 80 пати, а Спутник V od три до седум пати. Тоа не се појави во медиумитe, дека Спутник објави дека нивната неутрализација опаднала за три до седум пати. Тоа е важен факт бидејќи кажува дека тaa е можеби најотпорна вакцина на мутации“, вели Шеклер.
Докторот нагласи дека во борбата против сојот омикрон, важен е клеточниот имунитет од вакцините што ги користиме и дали веќе сме биле заразени со коронавирусот.
„Клеточен имунитет – на него треба да се потпре, комбинацијата на вакцинација, инфекција и примена на мерки дава резултати. Многумина примиле три вакцини, некои се заразиле и така телото создава имунолошка одбрана и го зајакнува својот капацитет. Оние кои биле вакцинирани и биле заразени со вирусот имаат поголема имунолошка сила од оние кои не биле вакцинирани, ниту ја прележале болеста. За нив ова е само почеток на пандемија“, смета Шеклер.