Д-р Фадил Цана од Клиниката за инфектвни болести смета дека државата треба да ги направи бесплатни ПЦР тестовите или да воведе тестирање само во државните здравстени установи, налик на состојбата во Србија и Чешка.
-Тие здравствени системи се грижат за своите граѓани со тоа што нивните жители се тестираат само во државни установи. Кај нас уште во почетокот се дозволи да се лекуваат во приватни болници, а тие пари да излезат од џебот на граѓаните. Требаше да депонираш големи средства, па за да те примат. Нема врска дали ќе умреш на врата или не. Тоа е нашата реалност. Никој за тоа не проговори и никогаш не сноси одговорност. Државата не излезе во пресрет. За да земеш тело на починат близок, мораш прво да оставиш пари, па после да го земеш телото, истакнува д-р Цана во емисијата „Трилинг“.