Дигитализацијата и дигиталната трансформација ги одбележаа последните неколку години. Дури и пандемијата дополнително ја поттикна дигитализацијата на компаниите и на цели држави бидејќи им овозможи на луѓето да ги користат нивните услуги од удобноста и безбедноста на нивниот дом.
Но, глобалниот недостиг на чипови ја доведе во прашање понатамошната дигитализација. Затоа што, ако нема компјутери и техничка опрема, тешко е да се дигитализира. Или можеби не?
Huawei верува дека инвестирањето во дигитални технологии и забрзувањето на дигиталната трансформација, дури и во време на недостиг на полупроводници, ќе доведе до подобри деловни резултати и дека придобивките од забрзаната дигитализација ќе ги надминат потенцијалните ризици. За компаниите ширум светот, клучниот чекор е да изберат компатибилна и квалитетна технологија која успешно ќе го премости дигиталниот јаз и ќе биде во чекор со времето.
Транспацифичките тензии и економското затворање го намалија производствениот капацитет на индустријата меѓу 30 и 50 отсто, а зголемените цени на суровините како бакар, челик, злато, алуминиум и ретките метали дополнително се одразија на овој дел од економијата. Иако TSMC, Intel и Samsung најавија зголемување на производството, резултатите од овие потези ќе бидат видливи едвај за неколку години, според Huawei.
Од друга страна, имаше проблеми со растечката побарувачка. Според прогнозите на ММФ од октомври оваа година, глобалната економија ќе порасне за 5,9 отсто, а главен двигател на овој раст е зголемената побарувачка за високотехнолошки производи и дигитална инфраструктура како резултат на промените во однесувањето на потрошувачите и постојаното работење од дома.
Иако има знаци на закрепнување, неизвесноста што се уште владее во деловниот свет ќе продолжи и во текот на 2022 година. Имено, пандемијата значително влијаеше на нестабилните синџири на снабдување и брзите промени во понудата и побарувачката.
Резултатите од глобалниот индекс на перформанси IDC покажуваат дека со прифаќање на технологијата во нивните процеси, компаниите секогаш постигнуваат подобри резултати од нивните конкуренти, кои на тој начин стануваат жртви на „дигиталниот јаз“. Стремежот на организациите кои се одлучуваат на овој чекор е да изберат глобален партнер со цел да се намали ризикот од ненадејни прекини во снабдувањето и да се има широк увид во конкретната индустрија, пазарните практики, трендови и проблеми.