Италијанската група „Манескин“ ги воодушеви сите на Изборот за песна на Евровизија 2021 година и успеа да триумфира во ова натпреварување.
Фронтменот на бендот, младиот Дамијано, го привлече особено вниманието на женскиот пол, а бројните обожаватели внимателно го следат секој негов чекор.
Тој неколку пати досега го привлекуваше вниманието со своето однесување, излегувајќи на сцената во фустан и градник, а на Инстаграм често објавува фотографии на кои е целосно гол.
Многу припаднички на „понежниот пол“ се разочараа кога Дамијано објави дека има девојка и дека од 2017 година е во среќна врска со инфлуенсерката Џорџа Солери.
Меѓутоа, неодамна во јавноста се појави видео на кое се гледа како пејачот се бакнува во клуб со девојка која не е Џорџа.
Сепак, Дамијано по ова се огласи и истакна дека не ја изневерил својата девојка како што сите првично мислеа, туку дека неодамна раскинале.
„Ужасно ми е жал што се појави оваа снимка. Не сакав да се справувам со оваа ситуација, тоа е моја грешка“, напиша пејачот на Инстаграм.
Тој нагласи дека немало никакво неверство, и дека снимката е направена по раскинувањето со инфлуенсерката.
„Се надевам дека ништо од ова нема да влијае на имиџот на Џорџа и дека можете да ја почитувате деликатноста на овој момент“, заклучи Дамијано во својата објава.