Давкова се брани дека прв пат слуша дека Камчев ја финансирал нејзината кампања

Судството зависи од власта, призна професорката и кандидатката за претседател Гордана Силјановска Давкова во вечерашното издание на „Само Интервју” на Канал 5.

Таа, за случајот „Рекет“ рече дека Јанева и Јовановски не може сами да го прават тоа.Самата појава на ваков феномен кој ги обележа последниве неколку месеци зборува за слаба држава, смета Давкова.

На прашањето дали се точни наводите дека токму Орце Камчев кој е жртва во случајот „Рекет“ ја финансирал нејзината претседателска кампања Давкова рече дека прв пат слуша за неговата поврзаност во кампањата.

-Беше земен кредит колку што знам јас. Мислам дека за тоа има докази. – рече таа.