Наградата за мир е една од шесте награди воспоставени од шведскиот хемичар Алфред Нобел во 1895 година. Наградата се смета за најсеопфатна во однос на нејзиното признавање, имајќи предвид дека се доделува на луѓе „кои му донеле најголема корист на човештвото“.
Норвешкиот Нобелов комитет ја чува листата на номинации во строго чувана тајна, но се знае дека на неа има 343 имиња, вклучувајќи 251 поединец и 92 организации.
Тие шпекулираат дека наградата би можела да ја добијат критичарите на рускиот претседател Владимир Путин, активистите за климата или воопшто никој да не ја добие наградата поради војната во Украина. Украинскиот претседател Владимир Зеленски е фаворит кај обложувалниците, но според експертите, неговите шанси се минимални.
Сепак, има и такви кои мислат дека комитетот не може да ја игнорира војната што доминира во светските вести од почетокот на годината.
Покрај Зеленски, фаворити се и белоруската опозиционерка Светлана Тихановска, затворениот критичар на Кремљ Алексеј Навални, Високиот комесаријат за бегалци на Обединетите нации и Светската здравствена организација.