Денес Тереза Меј официјално ќе побара од Европската унија да го суспендира Брегзит, пишува Би-Би-Си.
Според извори од Даунинг стрит 10, британскиот премиер ќе побара одложување на излезот од ЕУ до 30 јуни, но опцијата за одложување оди и на значително поголем тајминг.
Еден извор на Би-Би-Си од владата вели дека Тереза Мај може да побара излез од Заедницата да биде одложен за 2 години, но конечната одлука за крајниот рок се уште не е донесена.
Преговарачот на ЕУ со Обединетото Кралство, Мишел Барние, потсети дека мора да постои “конкретен план” за одложување на Брекит.
Според сегашното законодавство, Велика Британија мора да ја напушти Европската унија на 29-ти март, иако не постои договор со Брисел за условите на поделбата.
Според извори на Би-Би-Си, во разговарите за одложувањето, имало сериозни несогласување меѓу министрите во владата.
Во наредните денови, главните точки околу Брегзит се следниве:
– Денес, формалното ќе биде испратено писмено барање од Лондон до ЕУ за одложување на Брегзит по 29 март .
– Во четвртокот Тереза Меј ќе отпатува за Брисел за лично да разговара со европските лидери за можностите за акција за време на самитот на ЕУ.
– Сите 27 земји-членки на ЕУ мора да се согласат да имаат одложување за да се случи тоа.
– Двата дома на британскиот парламент ќе гласаат за секое одложување на Брекит.
На прес-конференцијата во Брисел, Мишел Барние изјави дека “подолгото одложување на Брекит мора да биде придружено со нов настан, нов политички процес”.
“Ние не сакаме по одложувањето да бидеме во иста позиција како што сме сега”, рече Барние.