Десетици луѓе загинаа во поплавите во Бангладеш и Индија

од Stefanija Kuzmanovska

Најмалку 59 луѓе загинаа во одрони на земјиште и удари од гром за време на силните монсунски бури во Бангладеш и Индија, а милиони луѓе се блокирани додека работниците за итни случаи се борат да се пробијат до најзагрозените.

Метеоролозите предупредуваат дека во следните неколку дена се очекува влошување на временските услови и нови поплави, а официјални лица од владата на Бангладеш оваа ситуација ја опишуваат како најлоша во таа земја од 2004 година, пренесува Би-Би-Си.

Континуираните дождови во текот на изминатата недела поплавија огромни делови од североисточниот дел на Бангладеш, а ситуацијата е влошена од истекувањето на дождовницата од планините во соседна Индија.

Слични содржини