Три лица, од кои едно потешко, се повредени во нападот што се случи утринава во Нумедал, Норвешка.
Маж, кој по потекло е од Сирија, нешто пред 9 часот извадил нож во центарот на градот, во близина на училиште и ги избодел сопругата и уште две лица, чиј идентитет не се соопштува.
Нападот се случил пред очите на неколку ученици кои случајно се нашле таму.
Локалните медиуми наведуваат дека осомничениот за кривичното дело и претходно бил обвинет за семејно насилство и дека му е забрането да ѝ се приближува на сопругата. Тој ја почитувал забраната, се до денес.
– Сега можеме да потврдиме дека постои семејна врска меѓу насилникот и една од жртвите. Насилникот и една жртва, жена, се во брак – соопшти полицијата.
Жената со хеликоптер е префрлена во болница со повреди опасни по живот, а нејзината состојба засега не е позната.
Медиумите наведуваат дека жртвата имала неколку деца со напаѓачот и дека децата сега се под грижа на Центарот за социјална работа.
Очевидци велат дека случајни минувачи се обиделе да го спречат напаѓачот да ја искасапи жената.
– Имаше многу крв. Набрзо пристигнала полицијата, пожарникарите успеале некако да го совладаат – изјавил очевидец за NRK.