Британскиот премиер Борис Џонсон нареди истрага за мигрантската криза, бидејќи бил револтиран од неуспехот да го спречи преминувањето на мигрантите од Франција.
Фрустрацијата на Британија поради бројот на мигранти кои илегално го преминуваат Ла Манш од францускиот брег повторно се појави во последните денови, откако повеќе од 1.000 бегалци пристигнаа на југот на Англија за само еден ден минатата недела, објави Ројтерс.
Околу 22.000 мигранти годинава пристигнаа во Британија преку Ла Манш. „Тајмс“ наведува дека Џонсон го ангажирал министерот Стивен Баркли да ги надгледува владините обиди да најде решенија и да се погрижи одделите надвор од Министерството за внатрешни работи да го завршат својот дел.
Весникот наведува дека пратениците на Конзервативната партија на Џонсон го предупредиле премиерот дека мигрантската криза ризикува да стане голем изборен проблем, поткопувајќи го неговото ветување за контрола на британските граници.