Британскиот премиер Борис Џонсон денеска накратко остана без зборови кога за момент ги измеша своите белешки за време на својот говор.
Тоа се случи пред да ги почести деловните лидери со анегдота за неговата неодамнешна посета на тематскиот парк „Пепа прасе“.
Пребарувајќи ги своите белешки, Џонсон воздивна и неколку пати рече „извинете“, откако накратко го прекина своето обраќање на Конфедерацијата на британската индустрија во северна Англија, пренесе Ројтерс.
После тоа, тој почна да зборува за технолошките еднорози, но и за посетата на тематскиот парк „Пепа прасе“, базирана на детска анимирана ТВ емисија за розово прасе и нејзините пријатели и семејство.
„Вчера отидов, како што треба секој, во светот на „Пепа прасето“. Ми се допаѓа. Светот на Пепа прасето е вид на место што го сакам: има безбедни улици и дисциплина во училиштата“, им рекол Џонсон на деловните директори.
„Кој би поверувал дека свиња што личи на фен за коса, свиња што Би-Би-Си ја одби, сега ќе биде извезена во 180 земји со тематски паркови и во Америка и во Кина?“, рече Џонсон.