АКО не сте задоволни со вашиот напредок кога ќе стапнете на вагата, време е да направите некои промени во вашата дневна рутина. Диетата и вежбањето играат главна улога во ослободувањето од вишокот маснотии и килограми, а со тоа се согласува и диететичарката Мелиса Митри, која сподели со Eat This пет мали работи што можете да ги правите секој ден за да изгубите тежина кои не вклучуваат драстични диети.
Зголемете го внесот на протеини за време на појадокот
Постојат многу студии кои го поврзуваат внесот на протеини со губење на тежината. На пример, истражувањето објавено во The American Journal of Clinical Nutrition наведува дека исхраната богата со протеини е пофалена како еден од најуспешните начини за губење на вишокот килограми. Протеините за појадок покажуваат особено успешни резултати.
„Оваа едноставна навика може да ве подготви за успех во слабеењето цел ден“, објаснува Митри. „Кога ќе внесете доволно протеини првото нешто наутро, тоа го поттикнува вашиот метаболизам во текот на денот, а исто така помага да го контролирате вашиот апетит. Ова може да доведе до помалку прејадување и желба за храна подоцна во текот на денот, природно намалување на вкупниот внес на калории“.
Намалете го внесот на алкохол
За жал, вашето омилено шише бело вино или овошен коктел не е најдобриот избор доколку сакате да изгубите тежина. Всушност, пиењето алкохол е сигурен начин да се наполните со ништо друго освен со празни калории, што доведува до зголемување на телесната тежина.
„Алкохолот е полн со празни калории и шеќер и може да доведе до надуеност, но и до таложење на вишок килограми. Ако го намалите колку што е можно повеќе алкохолот, тоа ќе ви помогне да изгубите тежина побрзо, да ги намалите мастите од стомакот и да се чувствувате многу подобро физички“, објаснува диететичарката.
Ограничете ја консумацијата на рафиниран шеќер
Доколку сакате да ослабете, уште една работа што не треба да ја консумирате е рафинираниот шеќер. Производите како сокови, газирани пијалоци, енергетски пијалоци, засладено кафе, бонбони, протеински барови, јогурти со вкус и други пакувани производи често се полни со додадени шеќери кои треба да ги избегнувате или барем да ги минимизирате, советува Митри.
Зголемете го внесот на вода
Според истражувањето спроведено на Универзитетот „Џонс Хопкинс“, пиењето доволно вода може да го забрза вашиот метаболизам, да го намали апетитот и да ги направи вашите тренинзи поефикасни. Имено, сите овие се клучни фактори кои можат да помогнат при симнувањето на несаканите килограми или одржување на саканата тежина.
„Пиењето повеќе вода во текот на денот промовира губење на тежината, особено ако пиете чаша вода непосредно пред оброк“, објаснува Митри. „Работата е во тоа што водата помага да се подобри варењето, ви дава енергија и го намалува апетитот. Една истражувачка студија покажа дека оние кои редовно пијат најмалку три литри вода дневно јаделе помалку и се чувствувале позадоволни“.
Следете ги вашите фитнес и навики за јадење
Следењето на вашите навики за вежбање и исхрана од самиот почеток ви помага да следите што правите, а што не. Според Митри, оваа промена може да ви даде одличен увид во тоа што треба веднаш да промените за да престанете со лошите навики кои го забавуваат вашето слабеење и само придонесуваат за непотребно зголемување на телесната тежина. На пример, може целосно несвесно да грицкате нездрави грицки или да се прејадете на вечера, а следењето на вашите навики во исхраната ќе ви помогне да го препознаете тоа, советува диететичарката.