Јасно е дека станува збор за политичка кампања и порака, се ова што се случува со таблата во министерството за труд и социјална политика и минситерката Рашела Мизрахи. Ова е партиски став кој го кажува министер во партиско-политичка влада. Министерката Мизрахи, како и секое друго одговорно лице кое е функционер треба да го почитува Уставот и законите. Легитимно може да се бори за промена, но во меѓувреме мора да се почитуваат и законите и Уставот, изјави генералниот секретар на Демократски сојуз, Зоран Димитровски.
-Сите министри дадоа заклетва и потпишаа документ на кој стоеше Република Северна Македонија. Ова е се во функција на изборната кампања, Мицкоски морал да даде гаранции дека по избори мора да ги почитува меѓународните договори вклучувајќи го и Преспанскиот договор. Тој вели дека доколку има двотретинско мнозинство и бандетерово мнозинство ќе го промени Уставот, но знае дека тоа е невозможно од причина што албанските партии веќе се изјаснија дека нема да гласаат за нови уставни промени, вели Димитровски.
Поранешниот новинар додава дека лидерот на ВМРО-ДПМНЕ, Христијан Мицкоски сака да ја продолжи играта на партија-чадор кој ја промовирал Никола Груевски и под тој чадор, сака да ги собере сите. Односно, според Димитровски, истовремено Мицкоски да каже дека не припаѓа на некое реформаторско крило туку на сите да им даде шанса.