Димовски: Нема цена што би ги натерала туристичките места да работат во недела

Претседателот на ССМ, Дарко Димовски тврди дека постои загриженост кај охридските работници по најавата за недела да биде работен ден во туристичките места.

-Министерот не кажа кои работници ќе бидат опфатени. Имаме големо незадоволство, кои што самите работници велат дека голем бенефит е недела неработен ден. Нема цена што би ги натерала да работат во недела, знаејќи дека заедно го поминуваат времето со своите фамилии. Сметаме дека овој предлог од Министерството за економија е крајно неприфатлив и бараме од Собранието да не бидат изгласани овие законски измени, со цел да не ги оштетиме работниците и да не ги уназадуваме работничките права, кои се голем бенефит за нас, особено денот недела, изјави Димовски.