Директорот на Австралија опен: Не обвинувам никого, би сакал Новак да игра (ВИДЕО)

од Vladimir Zorba

Директорот на Австралија опен, Крег Тајли, изјави дека би сакал Новак Ѓоковиќ да игра на првиот Гренд слем сезонава по целата сага со визата.

Директорот на Австралија опен за првпат проговори откако Новак Ѓоковиќ беше запрен на аеродромот во Мелбурн. Ѓоковиќ го чека рочиштето на полноќ во недела, а Тајли конечно реши да зборува на оваа тема во изјава за „Студио 9“.

Пред четвртата ноќ што Ѓоковиќ ја помина во хотелот за баратели на азил, Тајли најпрво одговори на прашањето како сè тргна толку наопаку за самиот Ѓоковиќ и за „Тенис Австралија“.

„Она што го нагласивме од почетокот е дека безбедноста на Австралијците отсекогаш била приоритет. Затоа баравме вакцинација од сите кои доаѓаат на турнирот. За време на УС Опен, само околу 50 проценти од играчите беа вакцинирани, сега таа бројка е 97 проценти, тоа е поради трудот што го вложивме. Сепак, бидејќи имаше можност за лекарско ослободување, имаше многу контрадикторни информации и многу спротивставени информации секој ден. Постојано од првиот ден бараме појаснувања. Пред се сакавме да бидеме сигурни дека ја правиме вистинската работа и второ дека можеме безбедно да ги донесеме играчите на турнирот“, изјави Тајли.

На прашањето на новинарот дали може да гарантира дека сите информации што им ги дал на играчите се точни, директорот вели дека сè што знаеле и сите информации што ги имале во тоа време им го дале на играчите.

– Се сеќавате дека од почетокот рековме дека најбезбеден начин да се дојде на турнирот за вакцинација е со одредени вакцини кои се признати во Австралија. Но, секогаш имало опција за медицинско ослободување што постои не само за тенисерите туку и за другите луѓе кои сакаат да дојдат во Австралија. Тесно соработувавме со властите на Викторија за да утврдиме низ какви процедури мора да поминат неколку играчи за да добијат изземање. И тоа е направено во соработка со властите“, одговори Тајли.

Да не ги подобруваме работите, порача новинарот – кој е виновен?

„Не сакаме никого да обвинуваме. Контрадикторни информации постојано пристигнуваат. Од недела во недела разговаравме со надлежните, МВР, луѓето од сите нивоа на власта за да се увериме дека постапуваме правилно. Вакцинирањето постојано се нагласува како задолжително. Но, информациите постојано се менуваат бидејќи се наоѓаме во навистина предизвикувачки период“, продолжи Тајли, додавајќи дека избегнува да одговара на многу конкретни прашања.

Федералната влада го обвинува „Тенис Австралија“. А што вели Тајли за тоа: „Нема никого да обвинувам. Знаеме што знаеме и знаеме дека направивме се што можевме за да ги доведеме играчите.

Дали Новак Ѓоковиќ треба да игра на Австралија опен беше последното прашање за директорот на турнирот.

„Би сакал да го видам како игра на Австралија опен“, заклучи Тајли.

Слични содржини