Државната комисија за спречување корупција организира јавна расправа за Законот за дивоградбите, кој повторно е во собраниска процедура, откако претседателот Стево Пендаровски одби да го потпише.
-Воочен е широк простор за злоупотреби и корупција во урбанизмот и градежништвото. Како пример може да послужат: донесувањето на генералните и деталните урбанистички планови, измената на урбанистичките планови заради легализација на бесправните градби наместо планирање на просторот, големиот број бесправни градби, издавањето дозволи за градење и располагање со земјиште кои се во постапка на денационализација, селективниот однос на општините и органите при уривањето на бесправните објекти и при санкционирање на прекршителите на законот, високиот процент на нереализирани решенија за уривање на бесправно изградени објекти, како и големиот број станбени и деловни згради меѓу дивоградбите, велат од Антикорупциска.