„Дојди и кажи ми дека сè е добро, дека нема Ковид и дека можеме слободно да танцуваме во диско. Ние сме во херметички костуми, на 30 степени. Работиме додека се забавувате, сè за дополнителни 100 евра бруто месечно“.
Вака медицинскиот техничар Марко Белафиоре ги „поздрави“ младите Италијанци на својата страница на Фејсбук, фотографирајќи се во вселенска облека во римската поликлиника „Умберто 1“.
За само неколку часа неговите зборови беа споделени и беа „лајкнати“ неколку илјади пати, па најавата на Марко е една од најважните вести во денешните италијански медиуми.
Бруталната реакција на Белафиоре беше испровоцирана од извештајот на италијанската телевизија Раи од Хрватска, во која младите Италијанци беа шокирани од нивното однесување, наведувајќи на камерата дека „нема ковид“.
Во Италија, бројот на заразени лица постојано расте веќе втора недела, а во последните 24 часа достигна највисоко ниво од 23 мај – 629 новозаразени лица.