Фудбалерите на Манчестер Јунајтед славеа по пресврт на домашен терен против Аталанта со 3:2 во 3. коло од групата Ф од Лигата на шампионите.
Иако гостите од Италија на полувреме имаа 2: 0, Јунајтед го сврте резултатот со головите на Рашфорд, Магваер и Кристијано Роналдо, кој уште еднаш беше херој на „Олд Трафорд“.
Тој погоди во 81. минута од натпреварот за целосен пресврт и нови три поени, а по последниот свиреж на судијата, камерите снимија необична случка помеѓу навивач и португалската sвезда.
Додека Роналдо одеше кон соблекувалната, зад него одеднаш се појави навивач, фатен од неколку редари. Тој се обиде да дојде до португалскиот фудбалер, најверојатно за да се фотографира со него, но во последен момент чуварите успеаја да го фатат и да го одвлечат.
Го изненади Роналдо кој само погледна за што се работи и кратко се насмеа.
He's done it again…
Cristiano Ronaldo pops up with the winner as Man Utd complete a brilliant #UCL comeback!
And you can see how much it means to him 🙌 pic.twitter.com/5YXov6E3or
— Football on BT Sport (@btsportfootball) October 20, 2021
По три кола од Лигата на шампионите, Манчестер Јунајтед е прв во групата Ф со шест бода, додека Аталанта е на третото место со четири, колку што има и второпласираниот Виљареал.