Членот на Претседателството на БиХ, Милорад Додик денеска пристигна во Санкт Петербург, каде ќе учествува на Меѓународниот економски форум, а во наредните денови, како што најави, ќе се сретне со руски претставници.
Фотографии од пристигнувањето на Додик во Санкт Петербург беа објавени и на официјалниот Твитер профил на СНСД.
Форумот беше отворен денеска, а пленарната седница е закажана за петок, на 17 јуни, кога се очекува учество на рускиот претседател Владимир Путин.
После тоа е планирана негова средба со Милорад Додик.
Предсједник @MiloradDodik стигао је у #SaintPetersburg гдје ће учествовати на Економском форуму @SPIEF који сваке године окупља велики број државника. pic.twitter.com/UAJPukpfjo
— СНСД (@SNSDDodik) June 15, 2022
На форумот учествуваат државници од 70 земји, како и 2.000 учесници и 1.000 директори на компании.
Секоја година Форумот собира претставници од повеќе од 140 земји, а организаторите тврдат дека оваа година нема да биде исклучок.