Плашејќи го светот со Република Српска, која е уставна категорија, премиерот на Косово Албин Курти бара само алиби за неисполнување на меѓународните обврски, а со тоа ја продлабочува кризата и го одложува решението, изјави претседателот на Република Српска, Милорад Додик.
„Република Српска има своја влада, која ја добива на демократски избори, а нејзината политика не е диктирана однадвор, ниту од Белград како што сугерира Курти“, рече Додик во изјавата за „Срна“ на прашањето за коментар за изјавата на Курти дека поради, како што рече, „горчливото искуство“ од Босна и Херцеговина нема да дозволи да се уништи заедницата на српски општини во Космет, бидејќи не сака Србија да го „копира моделот“ на Република Српска.
Тој посочи дека Приштина со потпишувањето на Бриселскиот договор се обврза да формира заедница на српски општини, што Курти упорно го одбива, а нема никаква врска со Република Српска или Србија.
Додик рече дека оптеретувањето на Курти со Белград и неговата упорна потрага по вина во Белград е сосема разбирливо ако се знае дека ја украл својата лажна држава од Србија и сега сака да вика по регионот „држете го крадецот“.