Актуелно
Почетна / Македонија / Политика / Договор за заедничка набавка на лекови и медицинска опрема со ЕК

Договор за заедничка набавка на лекови и медицинска опрема со ЕК

Владата на денешната седница ја разгледа и усвои информацијата за потребата од пристапување и потпишување на заедничкиот договор за набавка на лекови и медицинска опрема меѓу нашата држава и Европската Комисија, и го задолжи и овласти министерот за здравство да го потпише и соодветно да го имплементира.

Фото: Борче Поповски

На оваа седница, како што соопшти Владата, е донесен заклучок за воспоставување на централен механизам за примање, следење и распоредување на сите донации и помош што нашата држава ги добива, а ќе раководи заменик на претседателот во Владата задолжен за европски прашања, Бујар Османи, како Национален координатор за странска помош.

-Согласно заклучокот, донациите и помошта што ќе бидат примени, ќе се складираат централизирано, на едно место, и ќе се распоредуваат согласно потребите и приоритетите по доставени барања од страна на државните институции, се наведува во владиното соопштение.

loading...