„ДОЈДЕ ДО НЕДОРАЗБИРАЊЕ“: Фаучи им се извини на Британците за изјавата за вакцината

од Vladimir Zorba

Водечкиот американски инфектолог Ентони Фаучи се извини денес откако изрази сомнеж во строгоста на британските здравствени регулатори кои многу брзо ја одобрија вакцината „Фајзер“ против коронавирусот.

– Имаше недоразбирање и затоа жалам и се извинувам за тоа – изјави Фаучи за Би-Би-Си и додаде дека има голема верба во работата на научната заедница и регулаторите во Велика Британија.

Тој рече дека во никој случај не сакал да алудира на фактот дека постапката на британските регулатори е несовесна, пренесува Ројтерс.

Фаучи претходно изјави дека британските здравствени регулатори кои ја одобриле вакцината „Фајзер“ против Ковид-19 не ги проучувале податоците од тестирањата толку внимателно како американската Администрација за храна и лекови (ФДА) во својот преглед.

– Имаме златен стандард за регулаторен пристап со ФДА. Велика Британија не го стори тоа толку внимателно и тие ги забрзаа работите за неколку дена – рече тогаш Фаучи.

loading...

Слични содржини