Херцег Нови ги поканува туристите да се пријават на бесплатен летен одмор организиран од овој град во соработка со локалните хотели. Првите победници ќе бидат извлечени на 6 јуни.
Туристичката организација на Херцег Нови организирала акција наречена „Ве повикува Херцег Нови“, која ги поканува „сите добри луѓе, без оглед на нивната националност, религија и други разлики, да ги поминат своите одмори во Херцег Нови и да уживаат во морето и сонцето“, известува порталот „Нова“.
Домаќините од Херцег Нови се вклучуваат во акцијата споделувајќи покани на своите социјални мрежи, а меѓу нив се и познати луѓе од тоа место како Владо Георгиев, Драгољуб Ѓуришиќ и Рамбо Амадеус.
Потенцијалните гости се поканети да се пријават на страницата „Херцег Нови ве повикува“(Herceg Novi te zove), каде можат да добијат можност да освојат еден од бесплатните летувања во овој град.
„За неколку дена (6 јуни) ќе ги извлечеме првите победници на профилот на Инстаграм, кои ќе добијат бесплатно сместување во хотелите на Херцег Нови, преку полн пансион, за целото семејство (2 + 2)“, објавила Туристичката организација на Херцег Нови.
„Во првите неколку часови од кампањата, добивме повеќе од 2.000 апликации (8000 гости), а тој број рапидно расте од час на час. Ова нè принуди дополнително да комуницираме со сите хотели и сопственици на приватно сместување, кои се подготвени да се приклучат на акцијата и да биде домаќин на што е можно повеќе луѓе во нашиот град. Се надеваме на позитивен одговор и добри вести од ова “.
Пријавувањата за бесплатните летни одмори, кои ќе се реализираат во втората половина на јуни, се можни преку веб-страницата www.hercegnovitezove.com.