Долги колони на британските бензиски пумпи, владата размислува за ангажирање на војската

од Nikola Popovski

Долги колони возила денеска беа формирани четврти ден по ред на некои бензински пумпи во Велика Британија, додека владата размислува дали да ја ангажира војската со цел да го ублажи проблемот со испораката на гориво, предизвикан од недостатокот на возачи на камиони.

Здружението на продавачи на бензин изјави дека обуката на воениот персонал за возење танкери е во тек.

Владата изјави дека „во овој момент нема планови“ за ангажман на војници, но дека подготовките се во тек за секој случај.

Здружението на продавачи на бензин, кое претставува речиси 5.500 независни продажни објекти, вчера објави дека околу две третини од нејзините членови пријавиле дека распродале гориво.

Недостатокот на возачи на камиони доведе до недостаток на бензин на бензинските пумпи и до негово панично купување.

Владата инсистира дека има доволно гориво во земјата и ги обвинува однесувањето на клиентите за проблемот.

„Единствената причина што нема гориво на бензинските пумпи е затоа што луѓето купуваат гориво што не им треба“, рече министерот за животна средина Џорџ Џастис.

Претставниците на транспортната индустрија наведуваат дека на Велика Британија и недостасуваат 100.000 возачи на камиони и додаваат дека тоа е последица на таканаречената „совршена бура“, односно комбинација на фактори како што се пандемијата на корона вирусот, старата работна сила и егзодусот на странски работници по излегувањето на Британците од Европската унија.

Регулативите за имиграција по Брегзит предвидуваат дека граѓаните на земјите -членки на ЕУ повеќе не можат да живеат и работат во Велика Британија без виза, што би можеле да го прават додека таа земја беше членка на Унијата.

Други земји, како што се САД и Германија, исто така се соочуваат со недостаток на возачи на камиони, но проблемот е особено видлив во Велика Британија, каде што придонесе за празните полици на продавниците и затворањето на бензинските пумпи.

По зголемениот притисок во претходните недели, конзервативната британска влада во саботата објави дека ќе издаде 5.000 тримесечни визи за возачите на камиони од странство и уште 5.500 визи за работниците во фармата, со цел семејствата да не останат без забава или играчки за Божиќ.

Слични содржини