Лука Дончиќ поставува нови рекорди секогаш кога ќе се појави на паркетот, па така синоќа запиша еден од највпечатливите статистички ефекти во неговата досегашна кариера.
Во победата на Далас со 114-110 над Сакраменто, тој собра дури 20 скокови за прв пат, додавајќи „стандардни“ 34 поени и 12 асистенции за тоа. Така тој стана најмладиот играч во историјата со најмалку 30 поени, 20 скокови и 10 асистенции, со што го собори рекордот на Оскар Робертсон од 1961 година.
Тој е исто така само четвртиот играч во историјата кој има 34 поени, 20 скокови и 12 асистенции во игра и прв по Карим Абдул-Џабар во 1976 година. Покрај нив, само Елџин Бејлор успеал во тоа четирипати, а легендарниот Вилт Чембрлен 11 пати.
Но, Дончиќ по натпреварот повторно покажа дека не му е грижа за рекордите.
„Мислам дека одигравме еден од најлошите натпревари досега и победивме“, рече словенечкиот вундеркинд.