Обилните дождови денеска ги поплавија улиците на градовите Атина и Солун, поради што грчките противпожарни служби добија бројни повици за помош.
Во атинското предградие Неа Филаделфија, учениците напуштиле училница со тоа што морале да направат „мост“ од училишните клупи за да излезат, додека сообраќајот бил запрен на улиците кога водата се искачила на опасно ниво, објави „Катимерини“.
Автопатот Атина-Ламија, како и авениите Александрас и Кифишија во градот, биле пренатрупани. Министерството за цивилна заштита ги повика граѓаните да не излегуваат на улица, освен во случај на вонредна состојба.
— Φοιτητικός Κόσμος (@foitkosmos2018) October 14, 2021
Многу делови од Атина денеска останаа без електрична енергија, вклучително и населбата Панграти.
Локалните медиуми од Солун објавија дека за само неколку часа наврнале повеќе од 25 сантиметри дожд, што е еднакво на половина од дождот што падна во септември во тој град.