Дуковски: Зошто е побаран притвор за Мијалков на три дена пред носењето на пресудата?

„Поголема бруталност во употреба на мерката притвор мислам дека нема ни во Бутан или африканските земји. Секогаш кога е потребно се употребува притвор“, вели адвокатот Сашо Дуковски за емисијата „Топ тема“.

Тој прашува зошто за Сашо Мијалков било побаран притвор баш три дена пред носењето на пресудата за предметот „Таргет-тврдина“.

„Ако навистина некој сметал дека има опасност за бегство, зошто не е побарано пред три месеци на пример? Не е ли тоа прејудицирање на пресудата?“, рече адвокатот.