Американските кошаркари во Токио се скарале на тренинг , а потоа го пренеле конфликтот на социјалните мрежи.
Бам Адебајо го прекршил непишаното правило од шутерски тренинг и ја зел топката со која Кевин Дурент погоди тројка, што ја налути суперѕвездата на Бруклин Нетс.
Дурент го погоди шутот, а Адебајо ја прифати топката под кошот и наместо да му ја врати, тргна со неа кон линијата за три поени за да може и тој да шутира. Неколку моменти подоцна Дурент почнал да приговара, а Адебајо се бранел дека тој зел друга топка и дека неговата била земена од Дамијан Лилард.
Адебајо ја следеше ситуацијата низ смеа, а на крајот немаше друг избор освен да му ја врати „неговата“ топка на Дурент.
За Дурент, сепак, тоа не беше доволно, туку тој сподели сè на Твитер, каде е познат по своето детско однесување и реакции, а на Адебајо тоа повеќе не му беше смешно.
„Дечкото виде дека постигнав тројка од корнер и ја зеде топката која ја обележав. Друже, мора да научиш да почитуваш“, напиша Дурент, обележувајќи го соиграчот.
Dog seen me knock down the corner three and proceeds to work on his ball handling with the ball I green bean’d wit. Bro gotta learn some respect @Bam1of1 https://t.co/OX4YeJLa5k
— Kevin Durant (@KDTrey5) July 22, 2021
Центарот на Мајами му одговори и го обвини дека лаже.
„Престани да лажеш. Виде дека Лилард ја зема твојата топка. Само се поставуваш како да сум ти помал брат“, напиша Адебајо со емоџи со среден прст.
Stop Lying @KDTrey5 😐. You Saw @Dame_Lillard Take Your Rock. You Just Tried To Little Bro Me 🖕🏾 https://t.co/D8itKlecs6
— 13am Adebayo💥 (@Bam1of1) July 22, 2021
Американците го играат првиот натпревар на олимпискиот турнир во недела против Франција.