Два силни земјотреси ја погодија во неделата јужната иранска провинција Хормозган во близина на пристанишниот град Бандар Абас, јави државната телевизија, наведувајќи дека засега нема вести за штети или жртви.
„Два земјотреси со јачина од 6,3 и 6,4 степени го потресоа јужен Иран. Засега нема вести за загинати или повредени“, соопшти телевизијата, цитирајќи локални медиуми.
„Земјотресот беше почувствуван во неколку јужни ирански градови во провинцијата Хормозган“, изјави претставник на локалната државна телевизија, додавајќи дека спасувачките екипи се испратени во погодената област.
Земјотресот бил почувствуван и во северниот и источниот дел на Обединетите Арапски Емирати, соопшти Националниот метеоролошки центар во ОАЕ.
Indeed we have received confirmation of rock sliding as depicted in this video during today's M6.3 earthquake in Badar Abbas region #Iran https://t.co/GkMmtAxl3O
— EMSC (@LastQuake) November 14, 2021