Еден куп клубови ги сакаат услугите на Силва

Шпанскиот репрезентативец Давид Силва по крајот на сезоната ќе го напушти Манчестер Сити, но сè уште е нејасно каде ќе ја продолжи кариерата.

Триесет и четири-годишниот фудбалер има сериозен интерес од голем број клубови. Од Шпанија има барања до неговиот агент од Виљареал, Валенсија и Севиља.

Но, има и од екипата на Дејвид Бекам – Интер Мајами. Желбата на англиската легенда е да привлече европски sвезди за понатамошен развој на неговиот проект.

Според најновите информации, Лидс Јунајтед исто е заинтересиран за Давид. Менаџерот на тимот, Марсело Биелса ги сака квалитетите на Шпанецот и посакува да го има во своите редови.