Повеќе од половина од возрасната популација на Европската унија, или нешто повеќе од 167 милиони луѓе, се целосно вакцинирани против ковид-19, а Хрватска е некаде на дното на скалата, објави Европската комисија во четвртокот.
53 проценти од луѓето биле целосно вакцинирани, а 67,4 проценти или околу 213 милиони ја примиле барем првата доза.
„На добар пат сме да ја постигнеме целта за вакцинација од 70 проценти до крајот на летото“, рече портпаролот на Комисијата Стефан де Кирсмаекер.
Според најновите податоци на Европскиот центар за контрола и превенција на болести (ECDC), 70 проценти од возрасните со најмалку една доза биле вакцинирани во повеќе од 10 земји-членки.
Хрватска е на дното на скалата со 47 проценти од возрасните вакцинирани со единечна доза, а 40,8 се целосно вакцинирани.
Најлоши се Бугарија со 18 проценти вакцинирани со првата доза, Романија со 31,1 процент, Летонија 44 проценти, а Словачка е нешто подобра од Хрватска со 47,2 проценти.
На прво место е Малта со 84 проценти, следена од Холандија со 82,9 проценти, Белгија 82,5 проценти и Данска со 81,6 проценти.
„Ниската стапка на вакцинација е причина за загриженост и треба да сториме се што можеме за да вакцинираме доволно луѓе и сите да ја постигнеме целта за вакцинација од 70 проценти“, рече портпаролот Кирсмаекер.