Експерт од Вандербилт: Скептицизмот кон вакцината расте, тоа е огромен проблем

од Vladimir Zorba

Зголемениот скептицизам за потенцијална вакцина против Ковид-19 е „огромен“ проблем, изјави д-р Вилијам Шафнер, професор по заразни болести на Медицинскиот центар на универзитетот Вандербилт.

„Тоа е навистина огромен проблем“, изјави Шафнер за Си-Ен-Ен и додаде: „Штом развиеме вакцина, очигледно сакаме луѓето да ја прифатат, но проблемот е што скептицизмот расте кај општата популација.

Неодамнешните анкети покажуваат дека многу Американци велат дека не сакаат вакцина против коронавирус.

„Она што не е претставено е скептицизам и загриженост во медицинската професија“, рече Шафнер, претставник на Советодавниот комитет на САД за практики на имунизација во Центрите за контрола и превенција на болести.

„Тие се многу загрижени. Го слушам буквално секој ден“, рече лекарот.

Репутацијата на Администрацијата за храна и лекови на САД (ФДА) и Центрите за контрола и превенција на болести (ЦДЦ) „е нарушена од политичко мешање“.

„Јас сум загрижен“, рече Шафнер, додавајќи: „Дури и ФДА, која сака да ги смени основните правила за развој на вакцината, мора да оди на одобрување во Белата куќа, што е целосно несоодветно. Ова никогаш не се случило досега, не треба да се случува. Тоа е доказ за политичко мешање во основниот научен процес“.

Американскиот претседател Доналд Трамп неодамна изјави дека Белата куќа може да ја надмине ФДА доколку агенцијата објави построги стандарди за одобрување на вакцината „Ковид-19“, нарекувајќи го ваквиот потег „политички“.

ФДА ги разгледува новите упатства за вакцината против коронавирус, со што е малку веројатно дека вакцината против Ковид-19 ќе биде одобрена до денот на изборите – краен рок за кој Трамп отворено зборуваше повеќе пати.

loading...

Слични содржини