Многу се надевам дека премиерите на Бугарија и Северна Македонија, Бојко Борисов и Зоран Заев, ќе покажат политички здрав разум, ќе ги намалат тензиите и ќе излезат со поконкретни предлози од двете страни и во бизнис односите, а од страна на Бугарија – укинување на ветото и започнување преговори со Северна Македонија – процес што ќе трае 7-8 години.
Ова го изјави Владимир Владимиров, експерт за Западен Балкан, во интервју за „Денот со Веселин Дремџиев“, цитирано од Дневник.
На 17-ти ноември, Бугарија официјално ги блокираше преговорите на Северна Македонија со Европската унија, не одобрувајќи ја предложената рамка за преговори на ЕУ. Според Владимир Владимиров, Бугарија остана недоразбрана од нејзините европски партнери зошто го фокусира своето вето на историски прашања со Северна Македонија.
„Употребата на вето во Европската унија е многу силен адут, но тоа е еднократно. Постои непишано правило дека една земја може да стави вето на некое прашање и може да се каже дека Бугарија го разнесе својот патрон за не многу важна тема“, рече тој.
Според Владимиров, во моментот „стратешка и важна тема за Бугарија стана заложник на домашните политички интереси“.