209
Едно лице загина во експлозија на возило во подгоричката населба Толоши, неофицијално соопштија од полициската управа, информираат црногорските медиуми.
Телото на жртвата е на неколку метри од возилото, а видливи се и делови од автомобилот кои биле разнесени од силината на експлозијата. Возилото е целосно уништено.
На терен се инспектори и поголем број полициски службеници. Обезбедено е пошироко место, а форензичарите ги испитуваат трагите.
Полицијата истражува дали се работи за организиран криминал.
Според подгоричкиот портал „Борба“, убиен е Јасминко Шаховиќ од Цетиње, кој своевремено бил доведен во врска со претепувањето на адвокатот Лазар Аковиќ, поранешен судија на Вишиот суд.