Кралицата Елизабета Втора истакнала дека „голема празнина во нејзиниот живот“ останала по смртта на нејзиниот сопруг принцот Филип, рече нивниот син принцот Ендру во неделата.
Обраќајќи им се на медиумите откако присуствуваше на службата во капелата во Виндзор, војводата од Јорк рече: „Жал ми е и ја поддржувам мајка ми, која веројатно го чувствува тоа повеќе од кој било друг“, пренесува Си-Ен-Ен.
„Тој беше исклучителен човек, јас го сакав како татко. Тој беше смирен. Ако имате проблем, тој би размислил за тоа“, рече Ендру.
„Секогаш беше човек кај кого можеше да се оди“, додаде тој.
Кралското семејство чувствува голема загуба, рече војводата.
„Го изгубивме дедото на нацијата“, рече тој.
На прашањето како се чувствува неговата мајка, кралицата Елизабета Втора, Ендру одговори: „Кралицата е, како што би очекувале, неверојатно стабилна личност. Таа го опиша неговото заминување како чудо. И таа размислува. Таа опиша дека останала голема празнина во нејзиниот живот“, рече војводата и додаде дека целото семејство се собира така што кралицата би била сигурна дека се таму за да и дадат поддршка.