Во последен момент Енес решил да не се качи во опожарениот автобус во кој загинаа 44 патници и да отпатува со друга компанија во Истанбул.
Роднините од Скопје, оваа информација не ја знаеле и откако ги виделе информациите за несреќата почнале да го бараат.
Во последен момент тој решил да не се качи во автобусот на Беса Транс.
„Размислував да одам во Истанбул два-три дена со оваа агенција, но се предомислив и отидов со друга компанија. Направив тест за КОВИД-19 и ја сменив резервацијата. Сепак дома знаеа дека патувам со оваа агенција. Немав контакт, немав интернет и роаминг, на враќање кон Северна Македонија“, вели Енес за БТВ.
Неговиот роднини откако видел дека се случила трагедијата почнал да го бара Енес.
-Рано утрото видов на интернет дека се случила оваа несреќа. Почнавме да го бараме братучедот Енес, но не можевме да го најдеме – не беше онлајн. Мислевме дека е со автобусот на Беса Транс. После 4-5 часа дознавме дека е жив и дека не патувал со оваа компанија,вели Џалал – роднина на Енес.
Несреќата се случи во вторникот, 23 ноември, на автопатот „Струма“, кога автобус на превозникот „Беса транс“ враќајќи се од Истанбул удри во заштитната ограда од патот и се запали.
Во болницата „Пирогов“ во Софија се хоспитализирани седуммина повредени патници од автобуската несреќа, кои се во стабилна општа состојба и нема опасност по нивните животи.