Новак Ѓоковиќ по трет пат во кариерата на Вимблдон успеа да добие меч, откако загуби два сета. По голем пресврт Србинот го совлада Италијанецот Јаник Синер со 5:7, 2:6, 6:3, 6:2 и влезе во полуфиналето на најпрестижниот турнир во светот. За место во финалето Новак ќе ги одмери силите против подобриот од дуелот Нори – Гофан.
Ѓоковиќ одлично го отвори натпреварот и поведе со 4-1, се чинеше дека лесно ќе стигне до првиот сет. Србинот пропушти и една брејк топка за 5-1 и од тој момент се се сврте во корист на младиот Италијанец. Синер играше како во транс, освои шест од седум гејма и стигна до првиот сет.
Истиот тренд продолжи и во вториот сет. Италијанецот целосно ги контролираше случувањата на теренот. Тој направи брејк во третиот гем, додаде уште еден во седмиот и стигна до вториот добиен сет за пласман во полуфиналето.
Меѓутоа, тогаш Новак се разбуд. Веќе на стартот од третиот дел јасно стави до знаење дека е во многу подобар ритам. Тој направи брејк во четвртиот гем и без многу мака ја приведе работата во третиот сет и намали на 2:1.
Србинот беше уште подобар во четвртиот сет. По еден час водеше со 4:0 со одлична игра, а беше јасно дека мечот оди во петти сет. Синер успеа да освои само два гема и мечот влезе во петтиот сет.
Беше јасно дека Новак има многу повеќе искуство во овие ситуации. Јаник водеше со 1:0 во петтиот сет, но Ѓоковиќ лесно израмни и потоа го направи вистинското, што се покажа решавачки за брејк од 2:1. Потоа веќе немаше дилема и Србинот четврта година по ред се пласираше во полуфиналето на Вимблдон.