Ердоган: Четиридневен полициски час во Турција за Нова година

од Nikola Popovski

Турскиот претседател Реџеп Таип Ердоган изјави дека во таа земја ќе биде воведен четиридневен полициски час за Нова година, со цел да се спречи ширењето на инфекцијата со коронавирус.

Полицискиот час ќе започне вечерта на 31 декември и ќе трае до 4 јануари наутро.

Поради зголемувањето на инфекциите и смртните случаи во таа земја, овој месец беше воведен полициски час за време на викендот и ноќниот полициски час.

Од почетокот на пандемијата, Турција избегна целосно затворање со цел да ја спаси економијата.

Ердоган најави поддршка за компаниите во решавањето на закупите и вети дека ќе продолжи да дава попусти при плаќањето на данокот на додадена вредност.

Според официјалните податоци на Министерството за здравство на Турција, денес починале 229 лица како резултат на Ковид-19, што е вкупно 16 646 смртни случаи.

Според седумдневниот просек на потврдени инфекции, што е над 30 000, Турција е една од најпогодените земји во светот.

Слични содржини