Турскиот претседател Реџеп Таип Ердоган во петок ќе престојува во официјална посета на Босна и Херцеговина.
Ердоган треба да пристигне во Сараево во четврток навечер, а состанок со членовите на Претседателството на БиХ е планиран за в петок.
Сараевскиот портал Кликс.ба објави дека доаѓањето на состанокот го најавил српскиот член на Претседателството на БиХ, Милорад Додик, кој во последниот месец одби да учествува во работата на таа институција по одлуката на поранешниот висок претставник во БиХ, Валентин Инцко да воведе закон со кој се забранува негирање на геноцидот.
Сараевскиот портал проценува дека доаѓањето на Ердоган, по секоја веројатност, ќе значи промена во односот на Додик кон Претседателството на БиХ, односно дека Додик на тој начин ќе ја прекрши одлуката за неучество на српските претставници во институциите на БиХ.
„Додик нема да ја пропушти средбата со Ердоган, пред се поради ветената турска инвестиција во врска со изградбата на автопатот Сараево-Белград, на која лидерот на СНСД очигледно смета многу“.
Пред два дена, Додик во Козара рече дека наскоро ќе биде во Сараево, без да ја наведе причината за неговото заминување во главниот град на БиХ.
Тој го рече ова како одговор на прашањето дали ќе одговори на повикот на Обвинителството на БиХ да биде испрашан во врска со неговите изјави за негирање на геноцидот во Сребреница.
Од таму, Ердоган ќе ја посети Црна Гора на 28 август, изјави министерот за надворешни работи Ѓорѓе Радуловиќ, кој е во официјална посета на Киев.
Како што се наведува, ова било разговарано за време на билатералната средба на министерот Радуловиќ со шефот на турската дипломатија Мевлут Чавушоглу во Киев, пренесува Вијести.