Ердоган и Мицотакис договорија средба на маргините на Генералното собрание на ОН

од Vladimir Zorba

Турскиот претседател Реџеп Таип Ердоган денеска изјави дека следната недела ќе се сретне со грчкиот премиер Кирјакос Мицотакис, на маргините на сесијата на Генералното собрание на ОН во Њујорк.

Турција и Грција, членки на НАТО, спорат околу териториите на Медитеранот и миграцијата. Мицотакис пред два дена рече дека Турција е важен партнер во решавањето на новиот предизвик за Европа кога станува збор за миграцијата и дека и е потребна поддршка.

Ердоган на прес -конференција пред заминувањето во Њујорк рече дека Турција „го носи најголемиот товар и најтешките последици“ од миграцијата и дека Анкара ќе ги преземе неопходните чекори доколку другите земји не го сторат тоа.

Турција прими околу четири милиони бегалци, претежно од Сирија.

Слични содржини