Актуелно
Почетна / TOP NEWS / Ердоган најави „ослободување“ на ал-Акса по Аjа Софија

Ердоган најави „ослободување“ на ал-Акса по Аjа Софија

Турскиот претседател Реџеп Таип Ердоган вети дека ќе ја „ослободи џамијата Ал Акса“ од Израел, откако во петокот ја „воскресна“ Ajа Софија како џамија.

Одлуката за промена на статусот на античката црква Аја Софија, која во 1453 година се претвори во џамија, а потоа и во музеј, беше донесена контроверзно минатата недела, пишува Ерусалим Пост.

„Воскресенувањето на Аја Софија го најавува ослободувањето на џамијата Ал-Акса“, се наведува на веб-страницата на турското претседателство. „Воскреснувањето на Аја Софија е оружје на надеж за муслиманите и сите угнетени, соборени и експлоатирани“, пишува во весникот.

Говорот, кој беше на турски јазик, беше преведен малку поинаку на арапски и англиски јазик, како начин да се скрие дел од ставовите на Анкара за тоа како ја поврзува Аја Софија со поширокиот план, оценува Ерусалим Пост.

На арапски се наведува дека претворањето на Аја Софија во џамија е дел од „враќањето на слободата на ал-Акса“, што всушност значи дека Израел треба да биде исфрлен од контрола врз стариот град Ерусалим, каде се наоѓа ал-Акса, како што се наведува во текстот, објаснува изданието.

Турскиот претседател ја поврза одлуката за заживување на исламот од Бучара во Узбекистан со Андалузија во Шпанија. Оваа терминологија, која ја поврзува ал-Акса во Ерусалим со Аја Софија и Шпанија, е еден вид кодирана терминологија за поширока верска агенда, според толкувањето на весникот.

Изгледа дека турскиот превод не ја има истата референца за Шпанија, како и арапскиот.

Турскиот претседател долго време се залагаше за палестинската кауза и беше екстремен критичар на Израел, меѓу другото кога ја напушти сцената во Давос за време на разговорите со поранешниот израелски претседател Шимон Перес во 2009 година.
Тогаш Турција испрати флотила во Газа за да се обиде да ја сруши израелската блокада на Газа, што доведе до смрт на 10 турски државјани кога израелските сили извршија напад врз бродот Мави Мармара, потсетува весникот.

loading...