Турскиот претседател Реџеп Таип Ердоган рече дека тој и американскиот претседател Џо Бајден мора да ги остават настрана претходните несогласувања на денешниот состанок, вклучително и спорот околу одлуката на Анкара да купи руски ракети С-400.
Во пресрет на заминувањето на самитот на НАТО во Брисел, Ердоган рече дека очекува „условен пристап“ од Вашингтон кога првпат ќе се сретне со Бајден по минатогодишните избори во САД.
Тој рече дека ќе праша за одлуката на Белата куќа да го признае масакрот врз Ерменците во 1915 година во Отоманската империја како геноцид, што ја налути Анкара.
Друга тема што Ердоган ќе ја покрене е отстранување на Турција од производната програма на американскиот борбен авион „Ф-35“.
Турскиот претседател, кој се потпираше на блиски лични односи со поранешниот претседател на САД, Доналд Трамп, е фрустриран од покритичната врска на далечина што ја презеде Бајден по стапувањето на должноста.
Ердоган мораше да го почека првиот телефонски разговор со Бајден три месеци по неговата инаугурација, за време на кој американскиот претседател го информираше за планот за признавање на геноцидот.