Претседателот на Европската комисија, Урсула фон дер Лејен и високиот претставник на Европската унија (ЕУ) за надворешни работи и безбедносна политика, Жосеп Борел, ги повика денес Соединетите држави да ја „преиспитаат својата одлука“ да ги прекинат врските со Светската здравствена организација, соопшти Европската служба за надворешни работ (ЕЕАС).
„Соочени со глобална закана (коронавирусот), дојде време да се зајакне соработката и да се најдат заеднички решенија. Треба да се избегнуваат активности што ги ослабуваат меѓународните резултати. Во тој контекст, ги повикуваме Соединетите држави да ја преиспитаат својата најавена одлука “, се вели во заедничката изјава на европските претставници.
Урсула фон дер Лејен и Борел додадоа дека СЗО треба да продолжи да може да го води „меѓународниот одговор на пандемијата, сегашноста и иднината“, изјавувајќи дека затоа „учеството и поддршката на сите“ е многу неопходно.
Претседателот на САД, Доналд Трамп, во петокот вечерта објави дека Соединетите држави ги прекинуваат врските со СЗО, кои ги обвини дека се премногу попустливи со Кина од почетокот на пандемијата на коронавирусот.
Соединетите држави се најголем финансиер на СЗО со околу 450 милиони долари годишно.