Европската унија и Индија денеска постигнаа договор за формирање трговски и технолошки совет за зајакнување на соработката, се вели во заедничката изјава на двете страни на претседателката на Европската комисија, Урсула фон дер Лејен и министерот за надворешни работи на ЕУ Субраманџам Џаишанкар во Њу Делхи.
Советот за трговија и технологија ќе обезбеди политичка поддршка и неопходни механизми за спроведување на политичките одлуки, координирање на техничката работа и известување на политичко ниво за да се обезбеди имплементација и следење во областите важни за одржливиот напредок на европските и индиските економии.
Претседателката на Европската комисија е во дводневна посета на индиската престолнина за да ги поддржи западните напори да го охрабрат Њу Делхи да ги прекине врските со Русија, нејзиниот главен снабдувач на оружје.