ЕУ одобри план за закрепнување за уште 4 земји-членки

од Vladimir Zorba

Министрите за финансии на ЕУ денеска ги реафирмираа позитивните проценки и започнаа писмена постапка за одобрување на плановите за закрепнување и отпорност за четири земји-членки.

„Одлична вест за уште четири земји-членки – Хрватска, Кипар, Литванија и Словенија. Ги потврдивме позитивните проценки на националните планови на тие четири земји“, рече словенечкиот министер за финансии Андреј Ширчељ по завршувањето на неформалниот состанок на Советот за финансии и економија.

Бидејќи не можат да се носат одлуки на неформални видео состаноци, по состанокот е покрената писмена постапка со која формално ќе се одобрат националните планови за закрепнување и издржливост на Хрватска, Кипар, Литванија и Словенија, пренесе Хина.

Пред десетина дена министрите за финансии на земјите-членки ги одобрија првите 12 национални планови за закрепнување и издржливост и тоа за: Португалија, Шпанија, Грција, Данска, Луксембург, Австрија, Словачка, Летонија, Германија, Италија, Белгија и Франција.

Ова значи дека, како што пренесува Танјуг, вкупно 16 национални планови за закрепнување и издржливост ќе бидат одобрени пред летната пауза во август.

Слични содржини