257
Евертон го разреши Марсел Брандс од функцијата спортски директор на клубот. Веста за претстојната разделба вчера ја објавија англиските медиуми, а доцна вечерта и официјално ја потври клубот од Мерсисајд.
„Сакам да му посакам успех на Евертон. Убеден сум дека тимот е во состојба да ја поправи моменталната ситуација. Ми беше чест да работам во овој фантастичен клуб”, изјави Марсел Брандс. 59-годишниот Холанѓанец работи во Евертон од 2018 година. Пред тоа, тој беше спортски директор во ПСВ Ајндховен и АЗ Алкмар.
Во официјалното соопштение за разделбата од Бранд, клубот додаде дека сопственикот и Управниот одбор продолжуваат да имаат целосна доверба во менаџерот Рафаел Бенитез.