Европската комисија предложи зголемување на ИПА фондовите во долгорочниот буџет на ЕУ за поддршка на европската интеграција во регионот и најави дополнителни инвестиции за намалување на јазот помеѓу земјите членки на ЕУ и земјите кандидати за членство, пренесува „N1“.
На 14,5 милијарди евра – на толку би можеле да сметаат земјите од Западен Балкан и Турција, ако новиот предлог на Европската комисија добие зелено светло. Ова е зголемување за 13 проценти во однос на претходниот седумгодишен период.
Покрај тоа, Европската комисија предлага земјите од регионот да добијат пристап и до Европскиот фонд за одржлив развој од скоро 100 милијарди евра.
Но тоа не е сè. Исто така беше предложено моменталниот буџет на ЕУ за земјите од Западен Балкан, но и други земји од таканареченото јужно и источно соседство, да обезбедат уште една милијарда евра, кои треба да бидат достапни пред крајот на оваа година.
Парите се наменети да ја поддржат финансиската стабилност на регионот, да помогнат на економијата и да создадат услови за економски раст и да создадат нови работни места во регионот по кризата.